ඉරුදින සුපුවත
ආගමන කාලයේ තුන්වෙනි ඉරුදින

දිනට නියමිත ශුද්ධ ලියවිලි
යෙසායා              61/1-2, 10-11
1 තෙසලෝනික       5/16-24
ශු. ජොහාන්          1/6-8, 19-28

 

ගැළවුම්කරුගේ මෙහෙවර

 යෙසායා දිවැසිවරයා තුළින් ගැළවීමේ සුභාරංචිය ජනයාට ප්‍රකාශ කරයි.
 ජනතාවට නියත වශයෙන්ම ගැලවීම විමුක්තිය උදාවන බව ප්‍රකාශ කරයි.
 ඒ ගැලවීම ලබාදෙන ගැළවුම්කරුවාන්ගේ ලක්ෂණ මොනවාද ? ගැලවීම අප අතර බව හඳුනා ගන්නේ කෙසේද ?
   - දිළිඳුන්ට සුභ අස්න ප්‍රකාශ වේ.
   - බිඳුණු සිත් ඇත්තන්ට සුව සෙත ලැබේ.
   - වහලුන්ට මිදීම ලැබේ.
   - සිරකරුවන්ට නිදහස ලැබේ.
   - වැළපෙන සියලන්නට සැනසීම ලැබේ.
   - ස්වාමින් වහන්සෙගේ දවස උදාවේ.
 යෙසායා ප්‍රකාශ කරනු ලැබු ගැළවුම්කරුගේ භූමිකාව ජේසු තුමන් තුළින් ඉටු වු බව අපි දනිමු.
 කිතුනු අපව කැඳවා ඇත්තේ ජේසු ඉටු කළ ඒ මෙහෙවර ඉටු කිරීමටයි. ජේසුගේ උපත අප සමරන ආකාරය තුළ ඉහත ලක්ෂණ ඉටු නොවේ නම් එය ජේසු උපත           සැමරීමක් නොව මැරීමක් වේ.
 අද සිදුවන නත්තල් සැමරිම් දිළිඳුන්ට අසුබ ආරංචියක් නොවේද ? වෙළඳපොළට තව තව තවත් වහල් වීමක් නොවේද? තව තවත් සිත් බිඳ දමන තව තවත් දුප්පතුන්     ණය තුරුස්වල සිරකරන්නක් නොවේද ?

යහපත් දේ තදින් අල්ලා ගන්න.

 පාවුළු තුමා තෙසලානික ජනයාට ජේසු තුමන්ගේ දෙවැනි පැමිණිමට සූදානම් වීමට කළ යුතු දේ අවධාරණය කරයි.
 ඒ මොනවාද?
   - නිතරම ප්‍රීති වන්න.
   - නොකඩවා යාච්ඥා කරන්න.
   - සියල්ලේදි ස්තූති දෙන්න.
   - ශුද්ධාත්මයාණන්ට අවහිර නොකරන්න.
   - සියල්ල විමසා බලා යහපත් දේ තදින් අල්ලා ගන්න.
   - සියලු ආකාර නපුරෙන් වළකින්න.
 අපි මේ ආකාරයට ජීවත් වනවාද ?
   - සියලු ආකාර නපුරෙන් අපි වැළකි සිටිමුද ?
   - යහපත් දේ අපි තදින් අල්ලාගෙන සිටිමුද ?
   - යාච්ඥාවේ ස්තූතියේ ජීවිතයක් අපි ගත කරමුද ?
 එසේ නොවේ නම් පිළිවෙතින් පමණක් අපි ගැලවීම පතමුද ?

 දෙව් රජයට මඟ පාදන්න.

 ශුද්ධ වු ජොහාන් සුවිශේෂය අපට පෙන්වා දෙන්නේ ස්නාවක ජුවාමි තුමාගේ සාක්ෂිය හා මෙහෙවරයි.
 ස්නාවක ජුවාමි තුමාගේ සාක්ෂි දැරීම එදා සිටි ජුදා පූජක, පරිසි, ප්‍රභූ ජනයාට ප්‍රශ්නයක් විය. මන්ද එය එදා පැවැති කිසිදු සමාජ කන්ඩායමකට වඩා වෙනස් භාවිතාවක්     විය.
 පූජකයින්, පරිසිවරුන්, ජොහාන්ගෙන් ඔබ කවරෙක්දැයි විසමයි.
 ඔබ ක්‍රිස්තුස්ද ? එළියස්ද ? ඒ දිවැසවරයාද ? ඔවුන්ගේ සියලු ප්‍රශ්න වලට ‘නැතැයි’ පිළිතුරු දෙන ස්නාවක ජුවාමි තුමා තමා කව්දැයි නොසඟවා පවසයි.
   “ස්වාමින් වහන්සෙගේ මඟ පිළියල කරන්නැයි පාළුකරයේ මොරගසන්නෙකුගේ හඬ වෙමියි”
 ජේසු තුමන්ගේ දෙවැනි පැමිණිම හෙවත් දේව රාජ්‍ය උදෙසා මඟ පිළියල කරන්නට අද දවසේ ද නිර්භයව. පැහැදිලිව හඬ නඟන්නන් අවශ්‍යය. ඒ කැඳවීම සෑම             කිතුනුවෙකුටම ඇත.
එහෙත්,
අද අපි පුද්ගලිකවද ? සභාවක් ලෙසද ඒ කැඳවීම ඉටුකරනවාද ?
 දේව රාජ්‍යයේ උදාව සඳහා මඟ පිළියල කිරිමේ වගකීමක් අපට තිබෙනවා යැයි හැඟීමක්වත් අඩු තරමෙ ඔබ තුළ තිබේනවාද ?
   මොහොතක් හිතන්න......
 අනිත් අතට අද බොහෝ පූජක පැවිදි ගිහි සේවකයින් හැසිරෙන ක්‍රියාකරන තමන් නැත්නම් කිසිවක් නොවෙතියි යන ආකල්පය පිළිබඳවද සිතා බැලීමට අද සුපුවත          කදීම ආලෝකයක් සපයයි.
“උන්වහන්සෙගේ පාවහන් යයි මුදන්නටවත් මම නොවටිමි”
 පාවහන් පටි මුදන්නේ වහලුන්ය. ස්නාවක ජුවාමි තුමා වහලෙකුටත් වඩා පහත් වු බැගැපත් වු ආකල්පයකින් ක්‍රියා කළේය. එ ආකල්පය අපි සතු ද? එවන් බැගැපත්         සිතකින් දේව රාජයයේ උදාව සඳහා සමිදුන්ගේ දෙවැනි පැමිණිම උදෙසා වැඩ කරන්නට අපේ කැපවීම අලුත් කරමු. එයයි නත්තලට සූදානම


jesustoday 42 සතිය 2017 දෙසැම්බර් 17

 

Comments powered by CComment